Medical Group xəbər verir, bəlğəm yaranmasının azalması və boğazda tüpürcək az olması ilə müşayət olunan öskürək quru öskürək hesab edilir. Boğazda bol miqdarda tüpürcək, bəlğəm varsa, bu bəlğəmli öskürək sayılır.

Bəs quru öskürək üçün nə yaxşıdır?

Bu məqamda  ilk diqqət yetirilməli olduğumuz şey öskürəyə səbəb olan faktoru təyin etməkdir. Bu problem bəzən siqaret çəkmək və ya müxtəlif qıcıqlandırıcı maddələr və müxtəlif xəstəliklər səbəbindən yarana bilər. Bu səbəbdən, quru öskürəyin səbəbini aydınlaşdıraraq mütəxəssis həkimin təyinatına uyğun olaraq aparılmalı bir müalicə prosesinə ehtiyac var. Evdə təbii və bitki mənşəli üsullarla öskürəyin necə sağaldılacağını araşdırmadan əvvəl həkimə müraciət edilməlidir. Həkim lazımlı hesab edərsə, problemin həlli üçün dərman yaza bilər və problemin mənbəyi ətraf mühit faktorlarıdırsa, həyat tərzinin dəyişdirilməsini tələb edə bilər. Bununla birlikdə evdə təbii bir müalicə prosesi təklif etmək mümkündür.

Quru öskürək üçün nə yaxşıdır?

Öskürək üçün yaxşı olan üsullar arasında ilk növbədə gün ərzində bol maye qəbul etməkdir. Quru öskürəyin müalicəsi üçün ilk növbədə öskürəyə səbəb olan amilləri aradan qaldırmaq, həyat tərzini dəyişdirmək lazımdır. Məsələn, öskürəyin səbəbi tez-tez siqaret çəkmək və siqaret tüstüsünə məruz qalmaqdırsa, həkim tərəfindən siqaret və siqaret tüstüsündən uzaq durmaq tövsiyə olunur.

Öskürəyi dayandırmaq üçün təbii və bitki mənşəli dərmanlar:

 Bal: Öskürəyin müalicəsində illərdir istifadə olunan təbii bir vasitədir. Boğazdakı ağrıları azaldaraq bəlğəm əmələ gəlməsinin qarşısını alır. Boğazı yumşaldır. Quru öskürəyi dayandırmaq üçün ilıq südün içinə bir az bal əlavə edib gündə bir neçə dəfə içə bilərsiniz.

Sarıkök: Qrip, soyuqdəymə kimi xəstəliklərin müalicəsində çox təsirli bitki mənşəli vasitədir. Bu, xəstəliklərin yaratdığı simptomları böyük ölçüdə aradan qaldırır. Quru öskürək bu əlamətlərdən biridir. Bunun üçün qaynar suya bir çay qaşığı zərdəçal (sarıkök) tozu əlavə edib quru öskürək probleminə son qoymaq üçün gündə üç dəfə bu qarışığı içə bilərsiniz. Ancaq istəsəniz həm boğazınızı yumşaltmaq, həm də immunitetinizi gücləndirmək üçün qarışığa bal əlavə edə bilərsiniz.

Sarımsaq: Zəngin antioksidant tərkibi sayəsində bədəndəki sərbəst radikalların təmizlənməsini təmin edir. Bunun üçün 5 diş sarımsağı 2 stəkan süddə 5 dəqiqə qaynatın. Süzdükdən sonra 1 xörək qaşığı bal əlavə edin. Quru öskürək problemini, gündə 3 dəfə bir qəhvə fincanında qəbul edərək edərək aradan qaldıra bilərsiniz.

Portağal çayı:Zəngin bir C vitamini deposu olan portağal, evdə bir çox xəstəliyin təbii müalicəsində əhəmiyyətli bir meyvədir. Quru öskürək problemini aradan qaldırmaq üçün yasəmən çiçəyi və ya portağal çayı da istifadə edə bilərsiniz.

Quru öskürəyə nə səbəb olur?

 Keçməyən quru öskürək müxtəlif xəstəliklərin xəbərçisi ola bilər. Xüsusilə 8 həftə və ya daha uzun davam edən bu problem üçün bir həkimə müraciət etməli və bu davamlı öskürəyin səbəbini tapmalısınız. Quru öskürəyə aşağıdakı amillərdən biri səbəb ola bilər:

  

Astma

Quru öskürəyin ən çox görülən səbəblərindən biridir. Astma xəstələrində ümumiyyətlə quru öskürəklə yanaşı nəfəs darlığı, xırıltı və sinədə sıxılma kimi simptomlar olur.

Reflüks

Quru öskürəyin ən çox görülən səbəblərindən biri reflüksdür. Reflüks xəstələri yataqda arxası üstə uzanarkən mədə turşusunun yemək borusuna keçməsinin asanlaşması səbəbindən reflüks öskürəyi ilə qarşılaşırlar.

Ağciyər xəstəlikləri

Quru öskürək; Vərəm, amfizem, sətəlcəm, sarkoidoz, nonastmatik, eozinofilik, bronxit kimi interstisial ağciyər xəstəlikləri səbəbindən baş verə bilər.

Sinuzit

Sinusların iltihabı quru öskürək problemi yaradır. Ümumiyyətlə, sinüzit xəstələrində quru öskürək və postnazal axıntı müşahidə edilir.

Allergiya

Quru öskürəyin ən çox görülən səbəblərindən biridir. Quru öskürəklə yanaşı asqırma, qaşınma və burun tıxanması kimi problemlər müşayiət olunur.

Düzgün qidalanma ilə qanı durultmaq mümkündür.

Baş ağrları haqqında məqaləmizi buradan oxuya bilərsiniz
   

Dr. Azad Ağayev

Bu və ya saytdakı digər məqalələrin istifadəsi zamanı istinad etməyiniz və www.medicalgroup.az saytına linklə yönləndirmə etməniz mütləqdir. Bütün müəllif hüquqları qorunur.

keywords: quru oskurek, quru öskürək, quru oskurek zamani ne etmeli, quru oskurek ucun derman, quru öskürək əleyhinə dərmanlar, quru oskurek ucun ne etmeli, quru öskürək üçün dərman, quru oskurek ucun tebii mualice, quru öskürək üçün nə etməli, quru oskurek ucun mualice, qiciqlandirici oskurek