KƏPƏK   

Kəpəyin səbəbləri  

Dərinin  xarici  qatından  tökülən hüceyrələr kəpəyi meydana gətirir. Normal halda başın dərisində müntəzəm yenilənmə gedir və daha alt qatda yaranan yeni hüceyrələr yaşlanmış hüceyrələrin tökülməsinə səbəb olur. Kəpək problemi olan insanlarda bu proses daha sürətli baş verir və çoxlu sayda hüceyrə tökülməsi baş verdiyindən, bu hüceyrələr gözlə görünən dərəcədə çoxalır. Kəpəyin yaranmasında digər önəmli bir faktor da, uzun müddət ərzində yağlı saçların yuyulmamasıdır. Kəpək həm daxili həm də xarici səbəblərdən meydana çıxa bilər. Normal qulluğun göstərilməməsi, hormonal pozuntular, həddən artıq tərləmə, müxtəlif sağlamlıq problemləri və kifayət qədər dəriyə qulluğun göstərilməməsindən yarana bilir. Lazım olan mineral və vitaminlərin çatışmazlığı səbəbində də kəpək yaranması müşahidə olunur. 

Nə zaman kəpək yaranmağa başlayır?

Kəpək problemi adətən yeniyetməlik dövründə başlayır və 20 yaşından etibarən maksimal həddə çatır. Bunun səbəbi, kəpəyin meydana çıxmasının əsas səbəblərindən biri də hormonal sistemdə olan dəyişikliklər səbəbindən daha çox yağların yaranmasıdır. 

Kəpəkdən necə qurtulmaq olar? 

• Günəş işığının təsiri ilə yaranan D vitamini kəpək probleminə yaxşı təsir edir. Bunun üçün də səhərin erkən vaxtlarında günəş işığına çıxmaq lazımdır.  
• Saçı formaya salmaq üçün istifadə edilən müxtəlif vasitələr- tez-tez saçları düzləşdirmək və fenləmək-  saç dibinə zərər verərək kəpək yaranmasını dəstəkləyir. 
• Kəpəyin qarşısını almaq üçün kifayət qədər zink qəbul etmək də çox önəmlidir. Bunun üçün də vitamin, mineral və zülal tərkibli qidalara üstünlük vermək lazımdır.
• Saç təmizliyi kəpək yaranmasının qarçısını aldığı üçün müntəzəm olaraq təmizliyə fikir verilmədiyi halda zərərli maddələr və tozlar saç dərisinə nüfuz edərək kəpəyə səbəb olur.
• Stres kəpək yaranmasının ən önəmli səbəblərindən biridir. Stressdən maksimal dərəcədə uzaq olmaq kəpək yaranmasını da azaldacaqdır.
• Saçların təbii şampunlarla təmizlənməsi daha yaxşıdır. Tərkibində həddən artıq kimyəvi maddələr olan şampunlardan uzaq durmaq lazımdır.
• Qış aylarında hava çox quru olduğu üçün saçlara daha çox diqqət etmək lazımdır. Havanın quru olması səbəbindən saç dərisinə təbii tərkibli yağlarla masaj edilə bilər, qulluq göstərilə bilər.
• Diqqətli və müntəzəm qidalanma kəpəyin qarşısının alınması üçün önəmli bir faktordur. 

Açar sözlər: kəpək , kepek , kəpəkli saçlar , kepekli saclar , sac derisinin yaglanmasi , saç dərisinin yağlanması , kepeye qarsi ne etmek lazimdir , kepeye qarsi sampunlar , kepeye qarsi maksa , kepek ucun maskalar , kepeyi nece mualice etmek olar , kepeyi nece sagaltmaq olar , kepeyi nece aradan qaldirmaq olar , kepeyi nece temizlemek olar