İnsult əlamətləri

İnsult xalq arasında beyin qansızması kimi tanınır. Amma beyinə qansızma insultun iki növündən biridir. Digər növündə isə beyində hərhansı bir damar tutulur (çox hallarda buna tromb səbəb olur). Və nəticədə tutulmuş damarın qidalandırmalı olduğu beyin hissəsi ölməyə başlayır.

Siz və ya bir başqa bir şəxs insult keçirərsə nə etməlisiniz?

İnsult prosesində hər dəqiqə önəmlidir! Müalicənin tez aparılması, insult zamanı beyində zədələnmə zonasını kiçildə bilər.

İnsult əlamətlərini və simptomlarını bilməklə, sürətli davranaraq həyat qurtara bilərsiniz, hətta qurtardığınız bəlkə də sizin həyatınız ola bilər.

Kişilərdə və qadınlarda insult əlamətləri hansılardır?

Üz, qol və ayaqda, xüsusiylə bədənin bir tərəfində ani keyimə, gücsüzlük.

Ani fikir qarışması, danışmada çətinlik və ya danışığı anlamada çətinlik çəkmə.

Bir və ya iki gözdə ani görmə problemi.

Ani olaraq gəzmədə gücsüzlük, baş gicəllənməsi, müvazinətin itməsi və ya kordinasya zəifliyi.

Bilinən bir səbəb olmadan ani şiddətli baş ağrısı.

Sizdə və ya başqa birində bu əlamətlərdən hərhansı biri varsa təcili 103 nömrəsinə zəng edin.

N.Ə.B.Z. metodu ilə insultu müəyyənləşdirmək

N.Ə.B.Z. metodu insult xəstələrinin ehtiyacı olan müalicəni almasına yardım etmək üçündür.

insult müalicə metodlarının ən effektivi, insultun ilk simptomu meydana çıxandan sonrakı 3 saat içində istifadə edilə bilər. Əgər insult xəstəsi vaxtında xəstəxanaya gəlməsə bu müalicə metodlarını istifadə etmək effekt verməyə bilər.

Kiminsə insult keçirdiyini düşünürsünüzsə, N.Ə.B.Z. testini edin:

N—Nitq: Sadə bir cümlə deyin və təkrarlamasını istəyin. Danışığında qəribəlik və ya kəkələmə varmı?

Ə—Əllər: İki əlinidə eyni zamanda yuxarı qaldırmasını istəyin. Bir qolu aşağı enirmi?

B—Bəniz: Gülümsəməsini istəyin. Üzünün bir tərəfi sallanırmı?

Z—Zaman: Bu əlamətlərdən hərhansı birini görsəniz təcili 103 -ə zəng edin.

Hərhansı bir simptomun ilk meydana çıxdığı vaxtı qeyd edin. Bu məlumat, həkimlərin xəstə üçün ən uyğun müalicəni təyin etməsinə yardım edəcək.

Xəstəxanaya avtomobillə getməyin və ya başqa birinin sizi aparmasına icazə verməyin. Tibb işçilərinin, ambulansda gedən zaman yolda sizə həyat qurtaran yardımlara başlaya bilməsi üçün 103 -ə zəng edin.

Keçici insult atakı (“ mini insult ”) müalicəsi üçün nə etməlisiniz?

İnsult əlamətləri birneçə dəqiqə sonra yox oldusa, "mini insult" kimi də adlandırılan Keçici İnsult Atakı (KİA) keçirmiş ola bilərsiniz. Qısa müddətli olmasına baxmayaraq, KİA, tibbi yardım olmadan sağalmayacaq ciddi bir halın əlamətidir.

Təəsüf ki, KİA əlaməti qısa çəkdiyi üçün bir çox insan onu gözardı edir. Ancaq Keçici İnsult Atakına (KİA) diqqətlə yanaşmaq həyatınızı qurtara bilər. Sizin və ya başqa birinin Keçici İnsult Atakı (KİA)  geçirdiyini düşünürsünüzsə, 103 -ə dərhal zəng edin və gördüyünüz əlamətləri də onlara da bildirin.

Ana sünüdünün üstünlüyü haqqında məqaləmizi buradan oxuya bilərsiniz.

Dr.Azad Ağayev

Mənbə:

Centers for disease control and prevention

Bu və ya saytdakı digər məqalələrin istifadəsi zamanı istinad etməyiniz və www.medicalgroup.az saytına linklə yönləndirmə etməniz mütləqdir. Bütün müəllif hüquqları qorunur.