Beta-Glukan Nədir? 

Son zamanlar COVİD19 virus infeksiyasının pandemiya halını alması səbəbində insanlar xüsusiylə internetdə immuniteti artıran təbii vasitələri axtarış edirlər. Əsasən də valideynlər övladlarını COVİD19 infeksiyasına və digər mövsümi qrip infeksiyalarına qarşı daha dözümlü edə biləcək vasitələr axtarışındadır. Xüsusən payız aylarında orqanizmin immun sisteminin zəifləməsi insanları xəstəliklərə qarşı daha zəif hala salır. Bu səbəbdən də müəyyən araşdırmalar edərək  bu məqaləni sizlər üçün hazırladım. Ümid edirəm ki, faydalı olar.

Beta-Glukan, çörək mayası hüceyrə divarından ekstraksiya edilərək hazırlanan bir polisaxariddir. İmmun sistemimizin ilk müdafiəsinə cavabdeh olan ağ qan hüceyrələri (leykositləri) üzərində yerləşən xüsusi molekullara bağlanaraq, immun sistemi aktivləşdirir. Bu səbəbdən də immunitet sistemini dəstəkləyən və tamamiylə təbii olan bir qida maddəsidir.

Orqanizmin infeksiyalara qarşı müdafiəsinə cavabdeh olan hüceyrələri aktivləşdirdiyi üçün yad hüceylərəri əhatə edərək məhv edir və orqanizmin müdafiə sistemini aktivləşdirən bir sıra təsirlərə səbəb olduğu müəyyən olunmuşdur. Bunun nəticəsində də güclü bir müdafiə sistemi formalaşır. Sağlam insanlarda istifadə edildiyi zaman müdafiə sistemini daha da gücləndirir və aktivləşdirir. Beta-Glukan, virus, bakteriya, göbələk və parazit infeksiyalarına qarşı orqanizmin müqavimətinin artmasına səbəb olur. İmmun sistemin güclü tənzimləyicisidir.

Amma hər Beta-Glukan eyni deyildir. İmmunitet sistemi üçün, effektivliyi sübut olunmuş 1,3/1,6 molekul quruluşu olan Beta-Glukan-dır. Miqdarı yox, hissəcik ölçüsü önəm daşıyır. Çünki orqanizmin müdafiə hüceyrələri tərəfindən istifadə oluna bilməsi üçün Beta-Glukan hissəcik ölçüsü 10 mikrondan kiçik olmalıdır.

Beta-Glukan 1,3 / 1,6 molekul quruluşu

• Çörək mayasından (Saccharomyces cerevisiae) alınan immun sistemi gücləndirən təbii bir maddədir.
• İmmun cavabı artıraraq orqanizmin müdafiə hüceyrələrinin patogenlərə qarşı daha effektiv şəkildə mübarizə aparmasına səbəb olur.

Beta-Glukan hansı hallarda istifadə olunur?

• Qrip və soyuqdəymələrdə,
• Aşağı və yuxarı tənəffüs yolu infeksiyalarında,
• Xroniki infeksiyalarda,
• Məktəb və işyeri kimi qapalı yerlərdə sürətlə yoluxan infeksiyalarda,
• Gərgin iş rejiminin (iş, imtahan, səyahət) səbəb olduğu stress vaxtlarında,
• Qeyri müntəzəm və sağlam olmayan qidalanma zamanı,
• Təkrarlanan uçuqlamalarda

Beta-Glukan-ın gündəlik dozası necədir?

Ümumi sağlamlığı və qida dəstəkləyici olaraq hər gün istifadə oluna bilər. Uşaqlarda 1 yaşdan yuxarı gündəlik 10 mq Beta-Glukan tərkibli sirop və ya damcı formalardan istifadə edilə bilər. Böyüklər üçün gündəlik 20 mq Beta-Glukan tərkibli məhsullardan istifadə edilə bilər. Xəstəliklər zamanı isə dozalar artırıla bilər.

Dr. Azad Ağayev

Açar sözlər:

apiqlukan nedir , apigkukan nədir , betaqlukan nədir , beta glukan nədir , müqaviməti artırmaq , uşaqlarda müqaviməti artırmaq , usaqlarin müqavimetini artirmaq , usaqlari xesteliklerden qorumaq , beta d glukan