Melatonin hormonu nədir?

Adətən axşamlar, hava qaraldıqda, beyində epifizdə ifraz olunan hormona melatonin hormonu deyilir.

Melatonin hormonunun bədənimizə təsiri nədir?

Melatonin hormonu orqanizmdə hüceyrələrin yenilənməsini, bioloji saatı, yuxu ritminin və bədən istiliyinin tənzimlənməsini, immun sisteminin yüksəlməsini təmin edir. Melatonin hormonu bir çox fizioloji və bioloji tənzimləmələrdə rol oynayır. Qaranlıq otaqda yatarkən melatonin hormonu ifraz olunur. Ümumiyyətlə insandan insana dəyişsə də, 23:00-05:00 arası ifraz olunur.

Melatonin hormonunun faydaları nələrdir?

·       Daxili sekresiya vəzilərini tənzimləyir və onları tarazlıqda saxlayır.

·       Melatonin hormonu immun sistemi gücləndirir.

·       Melatonin hormonu bədəndəki iltihabı azaldır.

·       Melatonin hormonunun göz sağlamlığına təsiri kifayət qədər yüksəkdir.

·       Melatonin hormonu antioksidant təsir göstərir.

Melatonin hormonunun çatışmazlığı nədir?

Yaşlı insanlarda melatonin hormonunun səviyyəsi azalmağa başlayır. Gənc fərdlərdə yüksək nisbətdə melatonin hormonu ifraz edildiyi halda, yaşlı fərdlərdə bu nisbət çox azalır. Əgər melatonin hormonunun səviyyəsi normadan çox azalmağa başlayırsa, insanda qocalma prosesi daha sürətli başlayır və bəzi pozğunluqların yaranma ehtimalı xeyli artır. Stress, yuxu rejiminin pozulması, narahatlıq, siqaret və spirt istifadəsi, həddindən artıq qəhvə qəbulu və s. faktorlar melatonin çatışmazlığına səbəb bilər. Melatonin hormonunun çatışmazlığı depressiya ilə nəticələnə bilər.

Melatonin hormonu çatışmazlığının əlamətləri hansılardır?

Yuxu rejiminin pozulması, depressiya hissi, narahatlıq, zəiflik hissi, yorğunluq hissi, ürək döyüntüsü, cinsiistəksizlik və s. Simptomlar melatonin hormonunun çatışmazlığında görünə bilər.

Melatonin çatışmazlığı necə müalicə olunur?

Melatonin çatışmazlığı olan insan yuxu rejiminə diqqət yetirməlidir. Gecə saat 23:00-05:00 arasında yuxuda olmaq lazımdır ki, melatonin hormonu orqanizmdə ifraz edilsin. Bu saatlarda yatmağa diqqət yetirilməlidir. Əgər insanda melatonin çatışmazlığı varsa bunun üçün yuxu rejimini normallaşdıran bir sıra preparatlar təyin olunur. Bu preparatlar çox hallarda bitki mənşəli olur.

Pişikotu (Valerian officinalis) haqqında buradan oxuyun.
 

Yuxu rejimini qaydaya salan, dərin yuxunu təmin edən, günə ərzində gümrahlığı qoruyub saxlayan Restabyl preparatı haqqında məlumat əldə edin.

Dr. Azad Ağayev

Bu və ya saytdakı digər məqalələrin istifadəsi zamanı istinad etməyiniz və www.medicalgroup.az saytına linklə yönləndirmə etməniz mütləqdir. Bütün müəllif hüquqları qorunur.